Tre deputetë të Opozitës italiane kanë vendosur të vizitojnë kampin e emigrantëve në Gajdër të Lezhës. Rachele Scarpa dhe Andrea Casu, i Partisë Demokratike dhe Alfonso Colluçi i “Lëvizja 5 Yjet” panë nga afër kushtet në të cilat qëndronin emigrantët dhe i konsideruan ato të barabartë me një burg. Ata akuzuan qeverinë e kryeministres Giorgia Meloni për shpërdorimin e taksave të qytetarëve italianë për të ndërtuar këtë burg.
“Në qendër të Shëngjinit, punime të rëndësishme ndërtimi janë ende duke u zhvilluar dhe struktura e projektuar për të akomoduar qindra njerëz, aktualisht pret vetëm shtatë emigrantë përveç qindra njerëzve që punojnë atje. Një situatë që konfirmon shpërdorimin e rëndë të burimeve publike të lidhura me të gjitha fazat e këtij operacioni,”- shtuan deputetët.
Në total deri më tani janë akomoduar tetë emigrant. Dy prej tyre u kthyen mbrapsht në Itali.
