Diskutimet mes shumicës dhe pakicës në komisionin e posaçëm për reformën zgjedhore rikthejnë kushtëzimet mes palëve.
Duke e cilësuar sistemin aktual, që favorizon partinë në pushtet, opozita kërkon që ky komision te përfshijë në draft koalicionet parazgjedhore.
PS nuk kundërshton kategorikisht kërkesën e PD-së, por e kushtëzon ndryshimin e sistemit dhe me uljen e numrit të deputetëve.
Nga ana tjetër, Partia Socialiste ka propozuar ngritjen e një komisioni të posaçëm për Reformën Kushtetuese, që do përfshijë edhe çështjet që lidhen me sistemin zgjedhor.
Damian Gjiknuri, shpreh vullnetin për të diskutuar ndryshime të mundshme, përfshirë edhe rishikimin e numrit të deputetëve.
Ai theksoi se këto çështje mund të trajtohen të përmbledhura në një komision tjetër përbashkët.
