Elbasani ia doli të përmbysë rezultatin ndaj Partizanit dhe të sigurojnë kualifikimin për në gjysmëfinalen e Kupës së Shqipërisë. Verdheblutë triumfuan pas kohës shtesë me rezultat të përgjithshëm 3-2, duke “plagosur” kështu të kuqtë.
Padiskutim që ky triumf ka lënë shije të mirë te skuadra e Ivan Gvozdenovic, pasi festa për ta ishte e gjitha legjitime. Pas triumfit lojtarët nuk janë kursyer aspak në “dhomat e zhveshjes”.
Ata kanë festuar për këtë sukses, ndërsa nuk kanë nguruar të postojnë një foto të gjithë së bashku nga dhoma e zhveshjes. Siç duket, Elbasani si për “inat” të kundërshtarit të tyre, feston këtë fitore në shtëpinë e kryeqytetasve.
