Seanca plenare e sotme në Kuvendin e Shqipërisë është shoqëruar me tone të ashpra dhe përplasje verbale mes deputetit të Partisë Demokratike, Gazment Bardhi dhe kryetares së Kuvendit, Elisa Spiropali.
Shkak për debatet u bë prezantimi i një projektligji, për të cilin Bardhi kërkoi praninë e ministrit kundërfirmues, siç e kërkon rregullorja e Kuvendit.
“Halle halle kjo dynja, por hallet tuaja janë të çuditshme. Me gjitha atyre që ju ka ndodhur…Zoti Noka ka hall se kush do jetë kryetar Kuvendi, se ndoshta e ëndërronte vet, ju keni hall kush do e prezantojë pr ligjin. Unë nuk e kuptoj”, iu drejtua Spiropali, Gazment Bardhit.
Gazment Bardhi: Ca e ke këtë kërcënimin që i bën deputetëve.
Elisa Spiropali: Nuk është kërcënim, keni pyetje pëer ministrin Balla apo jo, mbi projektligjin.
Gazment Bardhi: Kur rregullorja e Kuvendit thotë që pr ligji shqyrtohet në praninë e ministrit kundërfirmues të tij në këshillin e ministrave…
Elisa Spiropali: Zv.kryeministrja nuk është sot , mos vazhdojmë. Halle halle kjo dynja, por hallet tuaja janë të çuditshme. Me gjitha atyre që ju ka ndodhur…Zoti Noka ka hall se kush do jetë kryetar Kuvendi, se ndoshta e ëndërronte vet, ju keni hall kush do e prezantojë pr ligjin. Unë nuk e kuptoj.
Gazment Bardhi: Ke marrë huqet e Ermonelës. Zonja kryetare, të paktën ngriu në lartësinë e zonjës Nikolla. Ti aty po sillës si Ermonela Felaj.
Elisa Spiropali: Nuk jeni në pozitat të na tregoni lartësitë nga gropa ku keni rënë.
Gazment Bardhi: Batakun mos ma trego mua, se ta tregoj unë batakun tënd.
