Kryeministri Edi Rama u ka dërguar një mesazh votuesve të Partisë Socialiste në 33 vjetorin e krijimit të kësaj force politike.
“Përqafim çdonjërit prej 93 mijë anëtarëve të Partisë Socialiste në këtë 33 vjetor të lindjes së saj”, shkruan Rama.
Kreu i PS-së ka falenderuar simpatizantët dhe zgjedhësit teksa shprehen se e kanë bërë Partisë Socialiste forcën më të madhe të shqiptarisë.
Gjithashtu kryeministri ka uruar popullin e Kosovës për përvjetorin e hyrjes së forcave të NATO-s krah për krah me luftëtarët e Ushtrisë Çlirimtare të Kosovës.
“MIRËMËNGJES ???? me një përqafim çdonjërit prej 93 mijë anëtarëve të Partisë Socialiste në këtë 33 vjetor të lindjes së saj, si edhe me një falënderim plot mirënjohje për simpatizantët e zgjedhësit që e kanë bërë partinë tonë forcën më të madhe të shqiptarisë, mishërim të Shqipërisë Europiane dhe sinonim të fjalës fitore, si edhe gjithashtu me një urim nga zemra të gjithë popullit të Kosovës për përvjetorin e hyrjes së forcave të NATO-s krah për krah me luftëtarët e Ushtrisë Çlirimtare të Kosovës, ju uroj një ditë të mbarë❤️”, shkruan Rama.
