Pas eliminimit nga Champions League dhe shumë larg titullit kampion në LaLiga, trajneri Alvaro Arbeloa me shumë mundësi do të largohet nga Real Madrid. Por, “bomba” e radhës raportohet nga “Record”.
Sipas këtyre të fundit, Florentino Perez po mendon seriozisht që të ulë në stol Jose Mourinhon. Momentalisht portugezi 63-vjeçar drejton Benfica-n, por një ofertë zyrtare nga “Galaktikët”, sigurisht që nuk do mund të refuzohej.
Për “Special One”, ky do të ishte një rikthim në stolin e Real Madrid, ekip të cilin e ka drejtuar nga viti 2010 deri në vitin 2013. Me “Los Blancos”, ka fituar një titull kampion, një Kupë dhe një Superkupë të Spanjës.
Kujtojmë që emra të tjerë që kanë dalë në skenë për të marrë drejtimin e madrilenëve janë të shumtë. Disa prej tyre janë, Didier Deschamps, Mauricio Pochettino, Lionel Scaloni, Massimiliano Allegri dhe Jurgen Klopp.
