Gabriel Olamide Ogungbire është futbollisti më i ri i Besëlidhjes. Sulmuesi 23-vjeçar vendosi që të largohej nga KF Shiroka, për të nisur një aventurë të re me lezhjanët në Kategorinë e Parë.
Kujtojmë se nigeriani ishte në provë te Tirana, por nuk bindi, duke u kthyer përsëri në Shkodër te Shiroka. Mirëpo, tani nis aventurën e re, siç e ka njoftuar edhe vetë klubi lezhjan në rrjetet sociale.
“KF Besëlidhja njofton afrimin e Olamide Gabriel Ogungbire, i cili i bashkohet skuadres për sezonin e ri, duke forcuar repartin sulmues të ekipit”, shkruan klubi i Besëlidhjes ndër të tjera.
