Kryetarja e Këshillit të Rusisë, Valentina Matviyenko, deklaroi se Kremlini nuk do të rrëmbejë presidentin ukrainas Volodymyr Zelenskyy. Gjatë një interviste, Matviyenko tha se Rusia nuk do vëpreojë asnjëherë si Shtetet e Bashkuara të Amerikës me presidentin e Venezuelës, Nicolas Maduron.
“Rusia nuk do ta rrëmbejë Volodymyr Zelensky ashtu siç vepruan Shtetet e Bashkuara me Presidentin Venezuelan Nicolas Maduro, është çështje vetërespekti. Ky nuk është stili ynë. Ne jemi vendi më i respektuar në botë. Nëse do ta bënim këtë, do të humbisnim respektin për veten tonë. Për të mos përmendur që Shtetet e Bashkuara nuk fituan asgjë nga vrasja e Ajatollah Ali Khamenei. Por njolla do të mbetet në histori përgjithmonë”, deklaroi Matviyenko.
Më 3 janar, SHBA-të sulmuan objektiva civile dhe ushtarake në Venezuelë. Ministri i Jashtëm i vendit Yvan Gil Pinto tha se SHBA-të kishin sulmuar objektiva civile dhe ushtarake në Karakas. Ai i quajti veprimet e Uashingtonit agresion ushtarak. SHBA-të më vonë konfirmuan sulmet dhe njoftuan kapjen dhe largimin e Presidentit Venezuelan Nicolas Maduro dhe gruas së tij, Cilia Flores, nga vendi.
Më 5 janar, ata u paraqitën para një gjykate federale në Distriktin Jugor të Nju Jorkut. Çifti u akuzua për përfshirje në trafikun e drogës. As Maduro dhe as gruaja e tij nuk e pranuan fajësinë.
