A e keni menduar ndonjëherë sa është paga e zyrtarëve të lartë në një kohë të lufte? Në lidhje me këtë, presidenti i Ukrainës, Volodymyr Zelenskyy, ka publikuar deklaratën e tij zyrtare të pasurisë për vitin 2025, duke hedhur dritë mbi të ardhurat e tij personale dhe ato të familjes së tij në një kohë lufte.
Sipas dokumenteve zyrtare, të ardhurat totale të familjes Zelenskyy për vitin 2025 arritën në 15.8 milionë grivna (përafërsisht 390,000 euro). Shifra e publikuar tregon një rritje të lehtë në krahasim me vitin 2024, ku të ardhurat e tyre ishin rreth 15.2 milionë grivna.
Për sa i përket pagës së tij si President, shifrat tregojnë se Zelensky merr një pagë relativisht modeste për postin që mban.
Paga mujore dhe burimet e të ardhurave:
Paga vjetore: 336,000 grivna (rreth 8,200 euro).
Paga mujore: Rreth 28,000 grivna (përafërsisht 680 euro).
Pjesa dërrmuese e të ardhurave të familjes nuk vjen nga paga presidenciale, por nga investimet dhe pronat.
Bonot e Thesarit: Rreth 8.36 milionë grivna (204,000 euro) kanë ardhur nga interesi dhe shlyerja e letrave me vlerë të shtetit.
Qiratë dhe Kursimet: Pjesa tjetër e të ardhurave përbëhet nga dhënia me qira e pasurive të paluajtshme dhe interesat bankare.
Nuk ka ndryshime në asetet e paluajtshme
Raportohet se në dokumentet e deklaruara, Zelenskyy gjatë vitit 2025 nuk ka pasur ndryshime të rëndësishme në listën e pronave, automjeteve apo pasurive të tjera të paluajtshme në pronësi të familjes presidenciale. Ky transparencë vjen si pjesë e përpjekjeve të Ukrainës për të luftuar korrupsionin dhe për të rritur besimin e partnerëve ndërkombëtarë.
