Ishte mbrëmja e 12 Qershorit 2023, kur Giuseppe Tucci, një 34-vjeçar nga Foggia, u sulmua barbarisht jashtë një diskoteke në Frontemare të Riminit nga 29-vjeçari shqiptar, Klajdi Mjeshtri.
Tucci vdiq pak ditë më pas.
Një vit më vonë, babai Claudio vijon ta vajtojë bashkë me të shoqen Lella Pignataro: Nuk arrij të shkoj në varreza.
Sot, më 12 Qershor, në Rimini do të mbahet një meshë në kujtim të zjarrfikësit që nuk jeton më. Të enjten e njëjta gjë do të mbahet në Foggia.
“Por unë”, tregon i ati, “nuk arrij të shkoj në varreza. E nëse shkoj, për shkak të ngulmimit të gruas time, nuk dorëzohem, më pëlqen të mendoj që im bir është ende gjallë”.
Tani shqetësimi i Claudio Tucci-t është rezultati i procesit. Mjeshtri është në burg dhe për Prokurorinë e Riminit dhe prokurorin Davide Ercolani, është fajtor për vrasje me dashje.
Më 26 Qershor është parashikuar seanca e radhës, “por mbrojtja është e egër”, thotë i ati, “pretendon se im bir ka qenë i dehur dhe se kjo ka pasur rol në vdekjen e tij. Gjykatësi ka emëruar një mjek (ligjor) kryesisht që do të duhet të vlerësojë shkakun e vdekjes së Giuseppe-s. Unë nuk mund ta pranoj, si mund të mendosh që të kuptosh për çfarë shkaku ka vdekur? Ka vdekur i vrarë nga një person i xhindosur”.
