Për Egnatian nuk ka një rrugë të mesme. Vetëm fitore në tokën sllovene, për të mbajtur gjallë shpresën e kualifikimit në Champions League.
Pas barazimit 3-3 në Rrogozhinë, ekipi i Nevil Dedes ka mbërritur në Slloveni për të bërë dhe përgatitjet e tyre të fundit, përpara se të zbresin në fushë përballë NK Celje, prej orës 20:15 në “Z’dezele Stadium”.
Fakti që takimi i parë u mbyll me 6 gola, një spektakël i vërtetë në vija të përgjithshme, pritet që dhe kjo ndeshje e nesërme të marrë të njëjtën rrjedhë, ku do të luhet gjithçka për gjithçka në radhët e kampionëve të Shqipërisë.
Në rast se rrogozhinasit, dalin me fitore në këtë duel, do të hidhnin një tjetër hap të rëndësishëm në rrugëtimin e tyre evropian, e në probabilitetin më të mirë të mundshëm, nëse mbyllin rrugëtimin në Champions, do të ishin shumë afër prekjes së grupeve në Conference League.
