Eraldo Çinari shënoi një supergol sot për Al Jabalain. Ekipi arab po përballet me Al-Ulan, ndërsa goli i Çinarit vendosi baraspeshën në minutën e 38.
Ish-sulmuesi i Partizanit dhe Vllaznisë provoi nga distanca, pas një pasimi të shkurtër nga goditja e dënimit. Topi përshëndeti rrjetën duke shtangur portierin e Al-Ula.
Ekipi i Al Jabalain ku luan Çinari është në kategorinë e dytë për nga rëndësia në Arabinë Saudite. Çinari e ka golin e tretë në kampionat, ndërsa është aktivizuar rregullisht si titullar.
