Ndeshja mes Teutës dhe Pogradecit u mbyll me një gol në minutat e fundit nga skuadra durrsake, e cila siguroi kësisoj falë fitores 1-0 qëndrimin në elitë.
Por momenti që ndezi sfidën e ndoshta i dha durrsakëve një shtysë më shumë për fundin dramatik, ishte ai i disa minutave më parë, kur gjyqtari Enea Jorgji ndëshkoi me merkaton të kuq futbollistin e Pogradecit, Friman Pius.
Në minutën e 78, Jorgji fillimisht i tregoi kartonin e verdhë Pius për një faull ndaj Zhongos. Por më pas, ai u ftua nga VAR që të shihte pamjet, duke shkuar atje për të mbikëqyrur një shkelm që lojtari i liqenorëve i kishte dhënë mbrojtësit të durrsakëve. Jorgjit i mjaftuan pak sekonda për të verifikuar pamjet dhe për të ndryshuar kartonin, duke e bërë të kuq.
SHIH VIDEON
Momenti solli shumë tension në fushë, pasi Pius iu vërsul i inatosur gjyqtarit që i kërkonte të largohej nga fusha e lojës. U desh që shokët e skuadrës ta shtynin futbollistin e Pogradecit derisa e shoqëruan jashtë fushës, ndërsa u ndëshkua me të verdhe edhe trajneri Emiljano Çela, i cili po protestonte sepse nuk po kuptonte pse u ndëshkua futbollisti i tij.
SHIH VIDEON
