Vllaznia ka zyrtarizuar një tjetër afrim në merkaton e verës, duke prezantuar mesfushorin Rijad Kobilari. Klubi shkodran njoftoi se lojtari do të jetë pjesë e kuqebluve për sezonin 2026-2027, duke shtuar cilësi dhe eksperiencë në repartin e mesfushës.
Në njoftimin e publikuar në rrjetet sociale, Vllaznia theksoi se Kobilar vjen për të forcuar skuadrën dhe për të ndihmuar ekipin në arritjen e objektivave të vendosura për sezonin e ri. 30-vjeçari sezonin e fundit u aktivizua në rradhët e Tiranës, me bardheblutë mesfushori luajti vetëm 10 takime.
“Me eksperiencën dhe cilësitë e tij në repartin e mesfushës, Kobilar vjen për të forcuar skuadrën dhe për të kontribuar në arritjen e objektivave të klubit”, shkruhet në postimin e klubit shkodran.
