Talenti i Kombëtares Deivid Hoxha pas 7 muajësh “pauzë” te ekipi Panetoliokos është rikthyer sërish në fushë.
Sulmuesi qendror është futur në lojë vetëm përgjatë minutave të fundit, teksa ata u mposhtën me rezultatin minimal nga Volos në Superligën greke.
Interesante është se Hoxha u bë pjesë e Greqisë U-19 në tetor të 2024-ës, ndonëse ishte vetëm 17 vjeç.
Por në mars të këtij viti, Deivid Hoxha bëri zgjedhje “zemre”, la kombëtaren helene për Shqipërinë. Me Shqipërinë U-19, sulmuesi në fjalë numëron 5 ndeshje, ndërsa ka shënuar edhe 1 gol.
