Përveçse e braktisur nga elektorati, Partia Demokratike është braktisur prej ndërkombëtarëve.”
Në një intervistë TemA, ish-deputeti i PD-së Dashnor Sula kujton se, prej vitit 2022, kur PD-në e mori Sali Berisha, nuk ka shkelur asnjë ambasador në Partinë Demokratike.
Sula flet për arsyet pse opozita nuk po arrin dot të shfrytëzojë dobësitë e mazhorancës për t’u shfaqur si alternativë qeverisëse.
Ai flet për rolin e ndërkombëtarëve në historinë 35-vjeçare të Shqipërisë, duke e konsideruar si faktor me rëndësi dhe të pashmangshëm në zhvillimet në Shqipëri. Kjo braktisje, sipas tij, e PD-së nga ndërkombëtarët lidhet pikërisht me refuzimin e lidershipit të saj.
