Edon Zhegrova duket se do të largohet nga Juventus në këtë merkato verore. Anësori që u ble vitin e kaluar nga Lille, nuk arriti të përshtatej me skemat e trajnerit Spalleti.
Juventus po nis një projekt të ri dhe Zhegrova është në listën e largimeve. Drejtori i ri sportiv, Giovanni Carnevali është në bisedime me disa klube të rëndësishme për të dëgjuar çdo ofertë që do të paraqitet për dardanin.
Sipas “TMW” ekipi më i interesuar për Zhegrovën është Trabzonspor në Turqi, ku do të ishte shok skuadre me Ernest Muçin. Për momentin është vetëm në fazë bisedimesh, por klubi turk mund të jetë aventura e re e Zhegrovës.
