Ousmane Niang është zyrtarisht futbollisti më i ri i Elbasanit. Siç u raportua nga “Newsport.al” pak minuta më parë, verdheblutë kanë prezantuar mesfushorin e ardhur nga Serie B italiane.
Kjo lëvizje e fundit e drejtuesve të nënkampionëve, vjen në një moment të rëndësishëm për Elbasanin, pasi pak ditë më vonë skuadra do të luajë përballë BATE Borisov, ndeshjen e parë të raundit kualifikues të Conference League, më 7 korrik.
Kështu trajnerit Ivan Gvozdenovic i shtohet një tjetër futbollist me eksperiencën e duhur, pasi më herët ka qenë pjesë e klubit të Modenës.





