Bojan Markoski i bashkohet ekipit të Tiranës. 42-vjeçari nga Maqedonia e Veriut, do të mbajë rolin e zëvendëstrajnerit te ekipi bardheblu në Superiore, pra ndihmës i Dean Klafuric.
“KF Tirana mirëpret Bojan Markoski në stafin teknik si zëvendëstrajner. I urojmë Bojan Markoskit mirëseardhje dhe shumë suksese në këtë kapitull të ri me fanellën bardheblu”, shkruan ndër të tjera klubi i Tiranës.
Kujtojmë se Markoski e ka nisur karrierën e tij te Ethnikos në Greqi. Ndërsa më vonë ka punuar te AEL Limassol, Rabotnicki dhe së fundmi EN Paralimni. Tani është gati për aventurën e parë në Shqipëri.
