Butrinti ka njoftuar përmes një postimi në rrjetet sociale se Idriz Batha do t’i bashkohet stafit të ri teknik, për sezonin e ardhshëm të Kategorisë së Dytë, 2026/27.
34-vjeçari, i cili “vari këpucët në gozhdë” më 17 dhjetor të një viti më parë, do të jetë zëvendëstrajneri i klubit sarandiot dhe do të punojë në krah të trajnerit Artan Meçanit.
Një hap i rëndësishëm në karrierë për Bathën, i cili gjatë kohës aktive si futbollist, bëri emër me klubet më elitare të Superiores si Partizani, Tirana, Flamurtari dhe Teuta, ndërsa ka qenë po ashtu pjesë e Besës po në Shqipëri. Sa i përket përvojave ndërkombëtare, ai spikati te UTA Rad në Rumani dhe Al Najma në Arabinë Saudite.
