Pogradeci do të luajë më 19 prill përballë Laçit në transfertë, në ndeshjen e vlefshme për javën e 31-të të Kategorisë së Parë. Një duel i “zjarrtë” në luftën për t’u ngjitur në Superiore sezonin e ardhshëm.
Ndërkohë që klubi pogradecar ka bërë një njoftim të rëndësishëm në prag të këtij takimi. Presidenti Armand Lilo ka vendosur një premio prej 50 mijë eurosh në rast fitoreje përballë Laçit.
Sikur të mos mjaftonte kjo, Lilo do të shpërblejë ekipin edhe me 100 mijë euro të tjera nëse Pogradeci shkon në Superiore. Plot 150 mijë euro premio, në rrugën e liqenorëve drejt elitës, të cilës i janë afruar shumë.
