Ish-lojtari i Kombëtares, tashmë në pozitën e specialistit të futbollit Redi Jupi, pjesë e zakonshme e panelit të emisionit “Procesi Sportiv”, dha versionin e tij për rikthimin e sulmuesit Redon Xhixha te Tirana.
Për Jupin, kjo lëvizje e 27-vjeçarit, është hap mbrapa në karrierë: “Xhixha kur ka ikur nga Shqipëria, ishte lojtari më i mirë në kampionatin shqiptar. Sikurse ishte në xhiron e Kombëtares.
Në momentin që u kthye sërish në Superiore, është një hap mbrapa në karrierë. Madje, për mua është një hap i madh mbrapa në karrierë. Ai vjen në një moment jo të mirë. Nuk po luante shumë në Azerbajxhan, pastaj shkoi në Algjeri”.
