Bolonja shfaqet sërish si opsion për Kristjan Asllanin. Këtë herë është Interi i interesuar për të shtyrë këtë transferim.
Shkak do të bëhej Jhon Lucumi, mbrojtësi 28-vjeçar i Bolonjës. Zikaltërit e duan në skuadër këtë të fundit, por aktualisht nuk janë të gatshëm për të përmbushur kërkesat financiare të rivalëve të Seria A.
Lucumi, deri më 15 korrik, ka klauzolë prej 28 milionë eurosh për lirimin. Mundësia ekziston që Bolonja të pranojë 20 milionë euro më pas për mbrojtësin nga Kolumbia.
Interi ndërkohë planifikon që të përfshijë një lojtar në marrëveshje. Dhe Asllani, i cili tërhiqte interesin e Bolonjës më parë, duket alternativa e duhur për të negociuar.
