Kombëtarja e Shqipërisë mbylli sot seancën e radhës stërvitore. Në prag është ndeshja me Serbinë, që do të luhet të shtunën prej orës 20:45.
Në dispozicion të Silvinjos u vendos edhe Nazmi Gripshi. Fantazisti ka udhëtuar nga Kazakistani ku luan me Astanën, për t’u vendosur në dispozicion të kuqezinjve. Trajneri brazilian tregonte në konferencë se e ndiqte Gripshin prej disa muajsh.
Sot në “Shtëpinë e Futbollit” ndodheshin edhe Albion Marku me Elmando Gjinin. Dy lojtarë nga Superiorja, që janë të pranishëm vetëm për seancat stërvitore aktualisht.
Sfida me Serbinë do të ketë një rëndësi të madhe në Leskovac. Fitorja do të afronte Shqipërinë me ëndrrën për t’u kualifikuar në Botërorin 2026.
