Moderatori i emisionit “Rubrika Sportive” në RTSH, Kristo Thoma ka zbuluar se ekipi i Egnatias ka arritur marrëveshjen për rinovimin e kontratës me qendërsulmuesin Soumaila Bakayoko.
Për tifozët rrogozhinas dhe trajnerin Nevil Dede, ky është lajm i mirë në lidhje me inkuadrimin në Kupat e Evropës, pasi siguruan titullin e 3-të kampion radhazi në Superiore.
Ndonëse në sezonin e rregullt sulmuesi 24-vjeçar nuk tregoi “nuhatje vrastare” në zonënë mike, krejtësisht e kundërta ndodhi në Final Four.
Në 3 takimet e luajtura në këtë fazë, Bakayoko shënoi 2 gola dhe dha 1 asist, ndikim i madh në fazën ofensive për të tijët.
