Egnatia duhet të eliminojë Çeljen që më pas të ketë siguruar grupet e Europës. Shorti për turin e tretë të Ligës së Kampioneve po ashtu është treguar i favorshëm.
Nëse rrogozhinasit shkojnë më tej, do të përballen në turin e tretë me fituesin e Ararat Armenia-Shamrok Rovers.
Vlerësimi i Egnatias në tregun e “transfermarkt” është 6,8 milionë euro. Kjo jep mesatare 272 mijë euro për futbollist, duke qenë se kampionëve u rezultojnë 25 të tillë.
Ararat është kampion në Armeni. Vlerësimi në treg është 8,6 milionë euro. Me 28 lojtarë që kanë të regjistruar, mesatarja e vlerësimit për futbollist është 307 mijë euro. Sa i përket historisë në Armeni, regjistron vetëm tre tituj kampionë.
Në anën tjetër ndodhet Shamrok Rovers. Kampionët e Irlandës kanë histori në vendin e tyre, por përballë Egnatias do të konsideroheshin inferiorë.
Në total kanë 37 lojtarë të regjistruar në tregun e “transfermarkt” dhe vlera është vetëm 6,63 milionë euro. Ndryshe jep një mesatare vlerësimi 179 mijë euro për lojtar. Shumë më e vogël se e Egnatias.
