Skuadra e Partizanit vazhdon me seancat përgatitore në vigjilje të ndeshjes kundër Flamurtarit, e planifikuar në datën 22 shkurt, stadiumi “Flamurtari”, java e 25-të.
Lajmi i rëndësishëm për “Demat e Kuq” është rikthimi në stërvitje me ekipin kryesor të sulmuesit Albers Keko. Duket se 24-vjeçari e ka lënë pas dëmtimin e rëndë dhe është gati për të kontribuar nën urdhërat e trajnerit Oltijon Kërnaja, ndërsa Superiorja ka hyrë në “fazë të nxehtë”.
Keko nuk ka luajtur ndeshje zyrtare me Partizanin prej datës 10 korrik 2025, sfida kundër Kalju, kualifikueset e Conference League.
“Sinjali” pozitiv është se Albers Keko po integrohet gradualisht në stërvitje, ndonëse nuk ka një datë të saktë rikthimi, pasi edhe mungesa e gjatë jashtë fushave prej 7 muajësh kërkon kohën e vetë për të kapur ritmin.
