Vora është shumë pranë goditjes së dytë në këtë merkato. Siç raporton media maqedonase “xmksport”, klubi i Superiores është në bisedime intensive për të siguruar shërbimet e Dimitar Trajkov.
Dimitar Trajkov
Sulmuesi do të vinte si futbollist i lirë te vorakët, pas përvojës si huazuar tek kroatët e NK Dugopolje, ku shënoi 3 gola dhe kontribuoi me 6 asiste në 28 ndeshje, ndërsa kontrata e tij me Polissyan përfundoi në fundin e këtij sezoni.
21-vjeçari ka luajtur gjithashtu për Rabotnickin, Brera Strumican, Ap Brera dhe Belasica, teksa kartoni i tij sipas “Transfermarkt” kap vlerën e 350 mijë eurove.
