Është mbyllur në barazim ndeshja Vora – Tirana, e vlefshme për javën e 20-të në Superiore. Edhe pse bardheblutë erdhën me vrull në këtë takim, pas fitores ndaj Bylisit, nuk ia dolën të marrin 3 pikët kundër vorakëve.
Pjesa e parë u mbyll me shifra të “bardha”. Në fraksionin e dytë të sfidës, Basilio Ndong kaloi në epërsi ekipin e Nuhiut, minuta e 51-të.
Pak çaste më vonë, bardheblutë kishin shanse për të dyfishuar, por mungoi konkretizimi. Në minutën e 81-të, Adeloye barazoi dhe hapi “llogaritë”. Në “frymën e fundit”, Mysloviç dhe Ernest goditën shtyllën për Tiranën, të pafatë.
VORA – TIRANA 1 – 1 (Adeloye 81’/Basilio Ndong 51′)
90+5′ – Përfundon në barazim sfida Vora – Tirana, 1 – 1.
88′ – Tirana e godet dy herë shtyllën në pak sekonda me Mysloviç dhe Ernest.
81′ – Vjen barazimi, Vora vendos baraspeshën me Adeloye.
69′ – Zëvendësohet kapiteni i bardhebluve Xhixha, ende pa gol.
65′ – Vora më kërkuese, problem krijimi i “korridoreve” para mbrojtjes mike.
56′ – Vendasit me fat, goditja e Tabekou “neutralizohet” fatmirësisht.
51′ – Zhbllokohen shifrat, goli mban “firmën” e Basilio Ndong për Tiranën.
46′ – Nis pjesa e dytë.
45+2′ Mbyllet pjesa e parë me rrjeta të paprekura.
42′ – Faull taktik nga Shehi në “dëm” të Xhixhës, karton i verdhë për lojtarin e Vorës.
32′ – Geci “shkarkon” të majtën, pret mrekullisht portieri Tafas.
20′ – Sulmuesi i Tiranës Tabekou, humb rast të “artë” për gol.
15′ – Lojë e ekuilibruar mes Vorës dhe Tiranës.
1’ – Shkelmohet topi i parë në stadiumin “Vora”.
Formacionet zyrtare:
Vora: Harizaj; Zuna, Shehi, Repaj, Barjamaj, Geci, Dalipi, Vrapi, Tabaku, Ruzgis, Bardhi.
Trajner: Eldiano Topi
Tirana: Tafas; Vera, Kortes, Lleshi, Basilio Ndong, Rafa, Alvares, Mysloviç Xhixha, Ernest, Tabeku.
Trajner: Ardian Nuhiu
Superiore: Java e 20-të
Stadiumi: “Vora”
Arbitër: Dorjan Maletaj
