Arbër Hoxha ishte protagonist absolut në fitoren e Kombëtares shqiptare përballë Jordanisë me shifrat 4-2 në “Air Albania”. Sulmuesi i krahut të majtë shënoi një supergol.
Për Hoxhën, ky ishte goli i parë me fanellën e Shqipërisë, teksa urimet nuk kanë munguar nga Kroacia. Pikërisht klubi ku ai aktivizohet, Dinamo e Zagrebit i ka shkruar publikisht sulmuesit shqiptar.
“Hoxha vazhdon formën e tij të mirë. Dy fitore me Kombëtaren shqiptare dhe një gol i bukur përballë Jordanisë. Bravo Arbi”, shkruan klubi i Dinamos së Zagrebit në faqen zyrtare.
