Leçe fitoi në shtëpi përballë Sassuolos ndeshjen e vlefshme për javën e 7-të të Serie A italiane. Sfida e zhvilluar në stadiumin “Stadio Via del Mare”, përfundoi 2-0 në favor të vendasve.
Ylber Ramadani
Titullar në këtë sfidë ishin dy shqiptarët, Medon Berisha dhe Ylber Ramadani. I pari qëndroi në fushë deri në minutën e 86-të, ndërkohë që për Ramadanin ishte supersfidë.
Ky i fundit u shpall “Lojtari i Ndeshjes”, duke treguar forcën dhe klasin e tij. Kujtojmë se përballë Serbisë në Leskovc ai nuk luajti asnjë minutë, ndërsa në kundër Jordanisë luajti 45 minuta.
