Në Bashkinë e Tepelenës këto zgjedhje të pjesshme për kryebashkiakun e ri vijnë edhe me një risi.
Risia në këtë bashki është përdorimi i Inteligjencës Artificiale për procesin e numërimit të votave – ky një projekt pilot nga Komisioni Qendror i Zgjedhjeve (KQZ).
Mësohet se ky do të jetë një proces eksperimental dhe rezultati i dalë nga përdorimi i Inteligjencës Artificiale nuk do të merret parasysh.
Megjithatë, rezultati i dalë prej saj do të shërbejë si bazë se si do të procedohet në zgjedhjet e tjera.
Kështu, në Bashkinë Tepelenë do të ketë dy procese numërimi, ai tradicionali dhe ai i mundësuar nga Inteligjenca Artificiale.
Sakaq, procesi i votimit atje ka nisur tanimë normalisht pasi u plotësua kuorumi i nevojshëm.
