Tensionet mes Iranit dhe SHBA po përshkallëzohen përsëri me retorikë ekstreme, ndërsa Donald Trump paralajmëron se Teherani do të “fshihet nga faqja e dheut” nëse orkestron vrasjen e tij.
“Trump e di se nëse ngre dorë kundër udhëheqësit tonë, ne jo vetëm që do ta presim atë dorë, por do t’i vëmë flakën botës së tyre”, tha oficeri iranian për mediat shtetërore.
Trump, nga ana e tij, argumentoi se administratat e mëparshme amerikane nuk kishin reaguar në mënyrë adekuate ndaj kërcënimeve të ngjashme, duke vënë në dukje se “nëse ata kërcënonin dikë tjetër, madje as një president, duhej të kishte pasur një sulm të menjëhershëm dhe të fortë”.
Kjo përplasje vjen pas protestave masive antiqeveritare që shpërthyen në Iran në fund të dhjetorit për shkak të zhvlerësimit të shpejtë të rialit, inflacionit dhe masave shtrënguese. Sipas Agjencisë së Lajmeve të Aktivistëve të të Drejtave të Njeriut (HRANA), të paktën 4,400 njerëz janë vrarë dhe më shumë se 26,000 janë arrestuar, shifra që nuk janë konfirmuar ende. Ndërsa një grup mjekësh në terren flasin për mbi 16 mijë të vdekur.
Trump ka vendosur dy “vija të kuqe” për Teheranin: vrasjen e protestuesve paqësorë dhe kryerjen e ekzekutimeve masive.
