Sturm Graz – Brann e planifikuar për ditën e sotme në orën 21:00 do të gjykohet nga arbitrat e Superiores. Sfidë kjo e vlefshme për Europa League dhe që do të luhet në “Stadion Graz Liebenau” në Austri.
Një përballje mjaft delikate mes skuadrave, e cila si kryesorë do të jetë Juxhin Xhajën. Ky i fundit pavarësisht se është në qendër të kritikave nga skuadra e Dinamos për gjykimet në sfidën ndaj Elbasanit, UEFA ka vendosur t’i besojë duelin Sturma Graz – Brann.
Ndërkohë do të ndihmohet nga Arbër Zalla dhe Rejdi Avdo. Arbitër i 4-të do të jetë Olsion Yzeiraj, teksa VAR-i është në duart e një zviceriani, Lukas Fahndrich dhe në AVAR do të jetë Kreshnik Bajramaj.
