Besnik Hasi nuk është më trajner i Anderlecht. Këto të fundit kanë shkarkuar timonierin shqiptar ditën e djeshme.
Ky vendim ka ardhur për shkak të rezultateve negative në javët e fundit në kampionat. Saktësisht Hasi me skuadrën e tij mundi të merrte vetëm 2 pikë në 5 ndeshjet e fundit, duke iu larguar ndjehshëm vendeve të para në klasifikim.
Përformanca e skuadrës ka lënë për të dëshiruar dhe fakti që ndodhen në vendin e 4-të me 36 pikë ka bërë që drejtuesit të zhgënjehen dhe të marrin masa, duke larguar 54-vjeçarin. Vendin e tij përkohësisht te skuadra belge e ka marrë Edward Still.
Siç dihet Hasi u rikthye te Anderlecht më 20 mars të 2025 dhe pas thuajse 1 viti mbyll aventurën e tij në me belgët.
