Taofeek Malomo dhe Ibrahim Mustapha janë futbollistët më të rinj të Dinamos. Tashmë ka ardhur zyrtarizimi edhe nga klubi dinamovit, për mesfushorin dhe sulmuesin që u morën nga Bylis.
Malomo është 22-vjeç nga Nigeria dhe luan si mesfushor difensiv, mesfushor ofensiv, por bën edhe krahun e majtë. Në krahun tjetër, edhe Mustapha është nga Nigeria, 29-vjeç dhe luan si qendërsulmues.
Dy lojtarët pritet të jenë “forcë e shtuar” për organikën e Dinamos. Kjo pasi, futbollistët kanë dhuruar performanca të një niveli të lartë edhe me fanellën e Bylisit.
