Bylis dhe Partizani do të përballen këtë të premte në kuadër të javës së 23-të të “Abissnet Superiore”. Sfida që do të zhvillohet në stadiumin “Adush Muça”, do të nisë në orën 13:30.
Një duel mjaft interesant, pasi të dy ekipet kërkojnë rikthimin te 3 pikët që mungojnë prej javësh. Megjithatë, të kuqtë e Oltijon Kërnajës mbeten më të favorizuar, për shkak të së shkuarës.
Në 25 ndeshjet e fundit mes dy skuadrave, Bylis ka fituar vetëm 7, ndërsa 6 herë ka barazuar. Në krahun tjetër, Partizani ka fituar plot në 12 raste, duke qenë superior absolut.
