Portieri i Kombëtares dhe AEK në Superligën greke Thomas Strakosha, po tregon se ky është sezoni i tij më i mirë në karrierë. Edhe pse në moshën 30-vjeçare, Strakosha po bën mjaft mirë te AEK, rasti më i “freskët” ishte pritja e penalltisë kundër PAOK.
Mediat greke nuk hezitojnë ta vlerësojnë shqiptarin si portieri më i mirë në Superligën helene. Një ndër ta ka qënë edhe “SPORT 24”.
Në 21 paraqitje me AEK në kampionat (nga 21 të mundshme), Strakosha e ka mbajtur portën e paprekur në 12 raste, më shumë se gjysma e ndeshjeve.
Po ashtu, edhe kontributi i portierit të Shqipërisë ka dhënë “efekt” që skuadra verdhezi nga Athina të jenë në krye me 49 pikë, duke lënë pas Olympiacos dhe PAOK.
