Polonia nuk ishte në ditën e saj dje, ndërsa Shqipëria ishte pranë kualifikimit historik. Avantazhi 0 me 1 në pjesën e parë, pas golit të Arbër Hoxhës, shtoi shpresat se kuqezinjtë do të shkonin në finale të “play off” për Botërorin. Në fund, polakët fituan 2 me 1 përmbysje.
Mediat në Poloni nuk janë kursyer, edhe pse triumfuan. Mati Kesh ishte një ndër lojtarët më të kritikuar, ndërsa luajti si mesfushor i djathtë në rreshtimin 3-5-2.
Për futbollistin e Aston Vilës është shtuar në përshkrim se dukej si lojtari i 12-të i Shqipërisë në pjesën e parë.
Vlerësimi i “SportweFakty”:
Mati Kesh- 5. Disa herë në pjesën e parë, dukej si lojtari i 12-të i Shqipërisë, veçanërisht në zonën tonë të penalltisë. Kundërshtarë të nivelit më të lartë do të kishin kthyer të paktën një rast nga dhuratat e tij në gol. Fatmirësisht, ai shmangu një gabim të njëjtë në pjesën e dytë. Gjithsesi, mund të presim më shumë nga ai në sulm.
