Një ngjarje tragjike ka ndodhur pasditen e sotme në zonën e Ranës së Hedhun në Shëngjin, ku dy persona kanë humbur jetën, ndërsa dy të tjerë ndodhen në gjendje të rëndë shëndetësore.
Sipas informacioneve paraprake, viktimat dhe të plagosurit dyshohet se janë rrëmbyer nga dallgët teksa ndodheshin në det.
Menjëherë pas sinjalizimit, në vendngjarje kanë ndërhyrë shërbimet e emergjencës dhe forcat e policisë.
Ende nuk janë bërë të ditura identitetet e personave të përfshirë në këtë ngjarje të rëndë, ndërsa grupi hetimor po punon për të sqaruar rrethanat e plota të incidentit.
