Odise Roshi është aktualisht lojtar i lirë. “Rraketa” e Kombëtares ka mbyllur aventurën e tij te Sakaryaspor dhe tashmë është në pritje të ofertave për të vendosur për të ardhmen.
Orët e fundit po përflitet për një kalim në Superiore. Vllaznia po studion “terrenin” për një transferim të mundshëm. Por jo vetëm kaq, sipas shtypit të shkruar aleternativë është edhe Partizani.
Orges Shehi ka nevojë për në lojtar krahu dhe karakteristikat e Roshit po i përshtateshin shumë. Ndaj në këto kushte kanë nisur të mendojnë për këtë mundësi. Mbetet të shihet nëse “Rraketa” do të preferojë kalimin në Superiore apo do të zgjedhë ndonjë ekip tjetër.
