Teksa janë duke shijuar pushimet në brigjet e liqenit Como, Ollie Watkins u ul në një gju për t’i propozuar për martesë partneres së tij, Ellie.
Ylli i Anglisë dhe tashmë e fejuara e tij postuan në Instagram një seri fotosh mahnitëse, ku ndanë me fansat lajmin e lumtur.
Në foton e parë, Ollie shihet i ulur në gjunjë duke i propozuar Ellie-t, me të cilën fillimisht u takua në vitin 2018.
Një foto tjetër, tregon çiftin e sapofejuar të përqafuar ndërsa një tjetër zbulon vendndodhjen mahnitëse për propozimin.
“Natë speciale në liqenin e Komos me të fejuarin tim. Jam shumë e lumtur”, ka shkruar ajo.
Ellie ka një motër binjake, Sofie, dhe është diplomuar për dizajn.
Çifti jeton së bashku në Birmingham dhe Ellie shihet shpesh duke mbështetur partnerin e saj në Villa Park. /ZËRI
