Ushtria e Ukrainës dëshiron të mobilizojë deri në 500,000 njerëz shtesë, ka zbuluar presidenti Volodymyr Zelensky, ndërsa lufta me Rusinë i afrohet periudhës 2-vjeçare. Në një konferencë shtypi në Kiev, ai tha se komandantët e tij po kërkonin 450,000-500,000 individë shtesë në ushtri, duke pranuar se kjo ishte një çështje e ndjeshme dhe e kushtueshme.
Ai tha se i duheshin më shumë detaje përpara se të mbështeste shtimin e trupave në ushtri, duke lënë të kuptohet se 500,000 ushtarë ishin tashmë në front. Komentet e tij vijnë pas pengesave të ndihmës nga SHBA-të dhe BE-ja. Republikanët në Kongresin e SHBA fillimisht bllokuan një paketë ushtarake prej 60 miliardë dollarësh (47 miliardë £) për Ukrainën në fillim të këtij muaji.
Kjo u pasua nga bllokimi nga Hungaria i marrëveshjes së ndihmës financiare të BE-së prej 50 miliardë eurosh (55 miliardë dollarë; 43 miliardë £) javën e kaluar. Udhëheqësit e BE megjithatë thanë se Ukraina nuk do të mbetet pa mbështetje. Ukraina po përballet me një mungesë municionesh ndërsa vazhdon të luftojë forcat pushtuese ruse, pas pushtimit në shkallë të plotë të Moskës në shkurt 2022.
Kundërsulmi i Kievit u ndal në fillim të dimrit dhe ekziston frika se rusët mund të mposhtin Ukrainën. Olena Zelenska, zonja e parë e Ukrainës, paralajmëroi në një intervistë për BBC në fillim të këtij muaji se ukrainasit ishin në rrezik vdekjeprurës, do të liheshin të vdisnin, nëse nuk do kenë mbështetje të mëtejshme perëndimore.
Presidenti rus Vladimir Putin këtë javë tha se Moska do të vazhdojë pushtimin e saj, duke u zotuar se të gjitha qëllimet e tij do të arrihen. Rusia pushtoi në shkallë të plotë Ukrainën në shkurt 2022
