Gazetari sportiv i njohur në Arabinë Saudite Mehmed El-Bekire ka lëshuar “bombën” për të ardhmen e mbrojtësit të Kombëtares Mario Mitaj.
Ai ka shkruar në platformën “X”, duke iu bazuar burimeve konfidenciale se bordi i Al-Ittihad ka vendosur të largojë gjatë merkatos së dimrit Mitajn.
Mbrojtësi i majtë “zbarkoi” në Lindjen e Mesme gjatë merkatos së verës të 2024-ës, ndërsa numëron 38 prezenca me Al-Ittihad, e shoqëruar me 2 gola dhe 4 asiste.
Futbollisti shqiptar ka fituar me klubin në fjalë kampionatin e Arabisë Saudite dhe Superkupën. Rikthimi në Europë do të ishte shansi i “artë” për 22-vjeçarin, përsa i takon rritjes profesionale.
