Arbër Hoxha është përfshirë në “Formacionin e Javës” në UEFA Europa League. Dinamo Zagreb ku aktivizohet shqiptari u mposht mbrëmë 1-3 nga Genk, megjithatë, Hoxha ishte një nga më të mirët në fushë.
Kështu, “SofaScore” e ka shpërblyer shqiptarin, duke i bërë një vend në 11-shen më të mirë të ndeshjeve të para të “play-off” të 1/16-ave. Ai është bashkuar aty me legjendën spanjolle Iago Aspas.
Por, Hoxha gjen aty edhe mbrojtësin e Nottingham Forest, Murillo, si dhe lojtarët e Stuttgart, Tomas dhe Khannouss. Ndërkohë që nota e shqiptarit është 8.4, mjaft e lartë.
“Formacioni i Javës”, UEFA Europa League ©Credits: SofaScore
