I ftuar në emisionin “Maracana” në TMW Radio, gazetari sportiv, Paolo Paganini ka kryqëzuar drejtuesit e Juventusit për merkaton. Ndër emrat që italiani thotë që ka qenë “kot”, është edhe Edon Zhegrova.
“Pa Spallettin që shpiku McKennie, një problem tjetër sepse kontrata e tij po skadon, Juve paguan për transferimet e këqija të verës. Në merkaton e verës, Kolo Muani dukej si Tom Hanks në terminal. Ai donte të shkonte te Juve, ngeci aty, pastaj nuk shkoi. Paga e David, komisionet për të, por edhe Openda, Zhegrova. Duhet të kishe marrë dikë që donte të vinte dhe e njihte tashmë mjedisin në vend të atyre të treve”, tha Paganini.
Kujtojmë se Juventus e bleu sulmuesin shqiptar nga Lille në shtatorit që lamë pas. Klubi torinez pagoi 15.5 milionë euro si fillim, ndërsa me bonuse Zhegrova do t’i kushtonte Juves plot 23 milionë euro.
