Mesfushori qendror Luis Hasa, ka marrë vendimin final për të ardhmen. 22-vjeçari ka vendosur të ndërrojë kombëtaren. Edhe pse kishte pozitën e kapitenit te Italia U-21, Hasa ka zgjedhur të luaj për Shqipërinë dhe do të jetë opsion për mesfushën e kuqezinjve.
Raportimi në fjalë po qarkullon intesivisht në Itali dhe më gjerë. Kartoni i Lusi Hasës i përket ekipit të Napolit, ndërsa është i huazuar te skuadra e Carrarese në Serie B.
Gjatë këtij sezoni me Carrarese në kampionat, shqiptari numëron 5 gola dhe 3 asiste, statistika bindëse, ndonëse mban pozitën e mesfushorit qendoror. Sipas “Transfermarkt”, lojtari në fjalë vlerësohet 3 milionë euro.
