Masivë shkëmborë janë shkëputur në Malësinë e Krujës, në fshatin Kurçaj dhe kanë rrezikuar jetën e gjashtë familjeve. Shkëputja ka ardhur si pasojë e motit të keq dhe shirave të shumtë që kanë mbizotëruar në këtë zonë ditët e fundit. Një prej rrugëve të fshatit ka mbetur e bllokuar, ndërkohë që banorët tregojnë momentet e tmerrit.
“Dëgjova zhurmën e gurit. U thirra familjarëve, a janë gjallë. Dola pashë gurin e madh në oborr. Dola jashtë se kisha frikë mos binte ndonjë tjetër. Pas kësaj njoftova menjëherë njësinë bashkiake. Unë nuk mund ta largoj gurin. Duhen specialistë,”- tha banori për Syri.
“U shemb shkëmbi, ka tre ditë. Mund të hiqet me matrapik. 6 familje të izoluara,”- shton ai më tej.
Deri më tani nuk ka pasur asnjë ndërhyrje nga institucionet për largimin e masivëve shkëmborë.
