Edon Zhegrova nuk po arrin të kthehet në një element kyç te Juventusi. Shqiptari nuk po preferohet shumë nga Luciano Spalletti, i cili e ka “gozhduar” në stolm duke i dhuruar vetëm 15 minuta lojë në 5 ndeshjet e fundi.
Nuk është shumë në planet e stafit teknik dhe në këto kushte te Juventusi kanë nisur të mendojnë se çfarë mund të bëjnë me sulmuesin. Sipas gazetarit italian që është afër “Zonjës së Vjetër”, Romeo Agresti është shprehur se drejtuesit e kanë ofruar në disa marrëveshje shkëmbimi, por nuk ia dolën të konkretizonin asgjë gjatë merkatos.
“Ka shumë zëra që sugjerojnë se Juventusi e ka propozuar në disa shkëmbime. Do të shohim nëse do të ketë zhvillime pozitive gjatë sezonit. Për momentin, nuk është në të njëjtën pozicion si Joao Mario, por ka pak diferencë”, ka deklaruar gazetari italian.
