Ylli i Hollivudit ka thënë për “Uproxx” se është gati të lërë pas përgjithmonë ekranin e madh dhe të investojë më shumë në televizion. Aktroi ka treguar se ka edhe tre filma për të bërë para se të tërhiqet dhe më pas do të ndryshojë format.
“Më pëlqen të qëndroj i freskët. Domethënë, më pëlqen të ndryshoj. Unë dua t’i bëj të gjitha,” tha Cage, duke shtuar: “Ndjehem sikur e kam bërë, në këtë pikë pas 45 vitesh duke bërë këtë, mbi 100 filma, ndihem sikur kam thënë pak a shumë atë që kisha për të thënë në kinema dhe unë do të doja të shkoja në Zenith dhe të them lamtumirë”.
Cage shtoi: “Mendoj se kam ndoshta edhe tre apo katër filma për të bërë përpara se të tërhiqem, dhe më pas shpresoj të ndryshoj format dhe të shkoj në ndonjë fushë tjetër për të shprehur aktrimin tim. Dua të largohem në një nga momentet e mia më të mira si “Skenari i ëndrrave”. Por kam detyrime të tjera për të përmbushur, kështu që do të shohim se çfarë do të ndodhë”, dhe vazhdoi, “Jam shumë i interesuar për transmetim gjithëpërfshirës në një serial episodik televiziv. Kam parë gjëra që mund të bëhen tani dhe personazheve u jepet kohë të shprehen. E pashë Bryan Cranston-in duke i ngulur sytë në një valixhe për një orë në një episod të “Breaking Bad”. Nuk kemi kohë ta bëjmë këtë në një film artistik, kështu që ndoshta TV është hapi tjetër më i mirë për mua. Do ta shohim”.
Aktori është shfaqur në disa filma në vitin 2023, nga “Dream Scenario” tek “Renfield” dhe “The Retirement Plan”. Publikimet e tij të ardhshme përfshijnë filmin horror të Oz Perkins “Longlegs” përballë Maika Monroe.
